Rtk Radio Kosova 1

Radio Kosova1 është pjesë e transmetuesit publik: Radiotelevizionit të Kosovës.

Me 24 orë program informativ, edukativ dhe argëtues për audiencën, Radio Kosova paraqet adresën unike mediale në Republikën e Kosovës.

Radio Kosova1 është e vetmja radio në Kosovë që transmeton lajme në gjuhën angleze. Edicioni i lajmeve në gjuhën angleze Live at Five transmetohet në orën 17:00.

Radio Kosova ofron informacion të shpejt, të saktë dhe të balancuar; materiale ekskluzive nga të gjitha lëmit; emisione debati dhe analize në baza ditore, për problemet më të mprehta dhe çështjet më të rëndësishme.

Me programin gjithëpërfshirës argëtues dhe sportiv, Radio Kosova u dedikohet të gjitha moshave dhe kategorive shoqërore.

Në programin argëtues sportiv, çdo ditë ofrohen informacione dhe materiale interesante nga sporti vendor dhe ndërkombëtar. Radio Kosova transmeton rregullisht drejtpërdrejt ndeshjet e Super-ligës së Kosovës në futboll.

Radio Kosova ofron program të pasur edukativ për fëmijë dhe të rinj. Këtyre moshave Radio Kosova u dedikon çdo ditë program të veçantë që adreson çështjet më me interes dhe në terminët më të përshtatshëm për ta.