Radio Hjalarhornet

Hjalarhornet Radio AS er lokalradioen for Kviteseid, Nissedal og Seljord.

I dag prøver me å gi lyttarane så god og variert musikk som mogleg, saman med nyheiter, lokal vermelding kvar dag, lokal reklame og nokre sendingar på kveldstid.

I tillegg har me denne nettsida som gir brukarane lokalaktuelt stoff frå Vest-Telemark.

Av og til har me spesialsendingar, som til dømes Dyrskuradioen.

Dyrskuradioen produserast saman med Radio Vest-Telemark, og er årets store sending, med kan hende så mange som 100.000 lyttarar i løpet av dyrskuveka.

Målingar som er gjennomført fleire gonger syner at Hjalarhornet Radio normalt har om lag 5000 lyttarar pr veke, og i tillegg kjem gjennomgangstrafikk, hyttefolk og turisme.

Litt historikk:

Radioen starta opp med Dyrskuradio i 1988, og har gjennomført dette kvart år sidan då. Konsesjon for vanleg lokalradio blei gitt i 1990 med sendingar frå Flatdal, etterkvart blei sendarnettet bygd ut til Kviteseid, og i 1998 kom Nissedal med.

Hjalarhornet har tett samarbeid med Radio Vest-Telemark, og har fleire samsendingar kvar veke, blant anna radiobingo.

Styreleiar er Jan Vidar Holte, dagleg leiar Mikkel Aanderaa og redaktør er Helge Reinholt.