Радіо Zintzilik Irratia

Zintzilik Irrati Librea 1984an sortu zen, Oreretako Erdiko kaleko etxe okupatu batean. Gaur egun bere egoitza Perrategian dauka, Estrata deritzon aldapa zaharrean.

Hasiera hasieratik bere burua “irrati libre eta parte-hartzaile” gisa definitu izan du. Asanblada bidez antolatzen den irratia da, talde politiko, erlijioso edo ekonomikoren morrontzatik kanpo. Kudeaketa autogestionatua du, herritarren ekarpenei esker diharduena, administrazioari diru-laguntzarik eskatu gabe.

Zintzilik Irratiaren helburua --irratia bezalako komunikabide batekin esperimentatzeaz gain-- gizarte kapitalista eta errepresibo hau aldatzeko lanean ari diren pertsona eta taldeei lekua ematea da, bai eta herritarrek sortzen dituzten ekimenen bozgorailu izatea ere.

Gizarte eragile izatearen kontzientziaz akuilatuta, Orereta eta Oarsoaldeko hainbat talde eta ekimenetan hartzen du parte. Euskal Herriko irratiek sortutako Arrosa sareko partaidea ere bada.